51歲鍾麗緹教跳舞被嘲「一身肉」 直播爆煲哭崩：不要對我太多要求

90年代性感Icon、現年51歲嘅鍾麗緹2016年再嫁細佢11年嘅39歲內地男星張倫碩，婚後不時大曬恩愛，雖然三名女兒非張倫碩所出，不過一家五口都非常幸福。但其實幸福背後鍾麗緹一直都承受唔少輿論壓力，近日佢直播時終於爆煲，淚崩人前盡訴一直以來嘅辛酸。

同場加映：  金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

鍾麗緹嘅感情路多年來都唔係太順遂，1998年佢同第一任丈夫Glen Ross結婚，育有長女Yasmine Ross，但婚姻於2002年結束。2004年鍾麗緹與其第二任丈夫台灣音樂製作人嚴錚步入禮堂，並先後誕下二女同三女嚴紫凝，但2011年兩人離婚。直至2015年鍾麗緹與張倫碩合作真人秀節目《如果愛》日久生情，2016年鍾麗緹再嫁張倫碩，兩人結婚一周年，三名女兒跟張倫碩姓，改名為張敏鈞、張思捷和張凱琳。

{{hket:inline-image name="e0ed6cf5abd200d29f39064ae7b23edasaasftp20200221.jpg"}}{{/hket:inline-image}}

雖然二人婚姻生活美滿，不過老妻少夫配始終喺華人社會並唔常見，兩人婚姻備受矚目，一路走來更無故飽受抨擊。鍾麗緹喺日積月累之下終於忍唔住直播時大爆發：「我知道很多人嘲笑我的婚姻，嘲笑的我穿衣風格，嘲笑我的身材，但是我也是個三個孩子的媽媽，不要對我太多要求了！」

事情嘅引爆點係因為鍾麗緹先前開直播教跳舞，但就被嘲笑「一身的肉」，令到佢聲淚俱下咁透露，其實自己為咗保持身材，每日食二十幾隻雞蛋嘅蛋白，佢並唔係因為懶惰或者唔自律而身形有變化：「我已經51歲，怕你們說我和我老公年齡差距大，我已經盡可能的在健身、美容，保持自己最好的狀態了，所以你們不要再說我了！太累了！」

唔少網民都安慰鍾麗緹，指佢已經Keep得比同齡嘅人好，又叫佢唔好太介意無關痛癢網民嘅留言，最重要係佢身體健康同埋同老公相處得開心。